Is layak nahi ho tum

"Is layak nahi ho tum"
Mere kuch sawal hai
jo sirf kayamat ke roz puchunga tumse
kyunki usse pehle tumhari aur meri baat ho sake
iss layak nahi ho tum.

Main janna chahta hu
kya rakeeb ke saath bhi chalte hue shaam ko 
yun hi bekhayali mein uske saath bhi haath takra jaata hai kya tumhara?
Kya apni chotti ungliyo se 
uska bhi haath thaam lia karti ho
Kya waise hi 
Jaisa mera thaama karti thi
Kya bata di saari bachpan ki kahaniya tumne usko
jaise mujhe raat raat bhar baith kar sunayi thi tumne.
kya tumne bataya usko
ki tees 30 ke aage ki Hindi ki ginti aati nhi tumko?
wo saari tasweere jo
tumhari papa ke saath
tumhari behan ke saath
jismein tum badi pyaari lagti thi
kya tumne usey bhi dikha di tumne
ye kuch sawal hai
jo sirf kayamat ke roz puchunga tumse
kyunki usse pehle tumhari aur meri baat ho sake
iss layak nhi ho tum
main puchna chahta hu
ki kya wo bhi jab ghar chorr ne aata hai tumko
toh seediyo par aakhne meech kar
kya meri hi tarha
uske saamne bhi maath aage kar deti ho kya tum
waise hi jaise hi mere samne kiya karti thi
kya sard raato mein band kamro mein
kya wo bhi meri hi tarh
tumhari nangi peet par apni ungliyo se
harf dar harf khud ka naam ghoth ta ha
aur tum bhi kya 
akshar ba akshar pehchan ne ki koshish krti ho kya
jaise mere sath kia krti thi
ye kuch sawal hai
jo sirf qayamat ki roz puchunga tumse 
kyunki usse pehle tumhari aur meri
baat ho sake iss layak nhi ho tum.

Comments